Қасың сұлу көрінер көзіңменен,
Ерітерсің кісіні сөзіңменен.
Бау ішінде гүлімсің,
Айым менен күнімсің,
Тырнағым саған ілінсін.
Күнде мұндай кезіміз келе бермес,
Айтып өлең кетейін өзіңе мен.
Шәйі орамал басыңда,
Жеңгең отыр қасыңда,
Ойнап бір күлші жасыңда.
Егін-тегін тағы да егін-тегін,
Майы шығар семіздің тартса терін.
Бау ішінде гүлімсің,
Айым менен күнімсің,
Тырнағым саған ілінсін.
Күнде мұндай мереке бола бермес,
Айтып өлең кетейін осы бүгін.
Шәйі орамал басыңда,
Жеңгең отыр қасыңда,
Ойнап бір күлші жасыңда.
Сөзі: Халық әні
Әні:
Орындаушы:
