Жатыр едім көгалда пішен шауып-ай,
Ақ көйлегім су болды-ау, жаңбыр жауып-ай.
Сен есіме түскенде, қимас қалқам-ай,
Ақ боз аттан жығылдым есім ауып-ай.
Аулың сенің іргелі-ай,
Шәй көйлегің бүрмелі-ай.
Айтарыңды айтып қал,
Отырмын ғой жүргелі-ай.
Қош бол, сәулем, көргенше,
Қайта айналып келгенше.
Уәдеңе берік бол,
Мен сендікпін өлгенше.
Айналайын көркіңнен орта бойлым-ай,
Сары майдан айырып, торта қойдым-ай.
Бір көргеннен өзіңді, қимас қалқам-ай,
Күлімкөз деп атыңды жорта қойдым-ай.
Аулың сенің іргелі-ай,
Шәй көйлегің бүрмелі-ай.
Айтарыңды айтып қал,
Отырмын ғой жүргелі-ай.
Қош бол, сәулем, көргенше,
Қайта айналып келгенше.
Уәдеңе берік бол,
Мен сендікпін өлгенше.
Сөзі: Халық әні
Әні:
Орындаушы:
