Кемсітіп күш көрсетпе кішкенеге,
Кішкене емес дүниеде ештеңе де.
Айым-ай, күнім-ай,
Айхой, бүрәдәрім, аха-хай.
Шымнан жер, қиыршықтан тау құралған,
Ғимараттар кірпішсіз істеле ме?
Айым-ай, күнім-ай,
Айхой, бүрәдәрім, аха-хай.
Екінің бірі жомарт тасқан жерде,
Ер жарайды кәдеге сасқан жерде.
Айым-ай, күнім-ай,
Айхой, бүрәдәрім, аха-хай.
Жаманға жазатайым күнің түссе,
Қалады екен қабысып аспан жерге.
Айым-ай, күнім-ай,
Айхой, бүрәдәрім, аха-хай.
Сөзі: Халық әні
Әні:
Орындаушы:
