Арық суын ішпедім ылай ма деп,
Жардың шетін баспадым құлай ма деп.
Дос болуға жаманмен мен қорқамын,
Ердің құнын іс түссе сұрай ма деп.
Жамал-ай,
Жастық өтіп барады-ай,
Алды-артына қарамай.
Кесте тіктім көйлектің әдібіне,
Жолықтырма адамның бәдігіне.
Жан қисаң да жақсыға жарасады,
Қайдан жетсін жамандар қадіріңе.
Жамал-ай,
Жастық өтіп барады-ай,
Алды-артына қарамай.
Қоңыраулатқан көп атты күймеменен,
Жүйіткіп өтіп барады дүние деген.
Жете алмайсың дүниеге, деміңді ал,
Омырауыңды ағыт та түймелеген.
Жамал-ай,
Жастық өтіп барады-ай,
Алды-артына қарамай.
Сөзі: Халық әні
Әні:
Орындаушы:
