Кескен ағаш қалады, жеңдей болып-ей,
Қара нөсер келеді мендей болып-ей.
Бәтима-ай,
Алтын сабақ,
Жез түйме-ай.
Аулың алыс кеткенде-ей, қарағым-ей,
Кім көрінер көзіме сендей болып-ей.
Бәтима-ай,
Алтын сабақ,
Жез түйме-ай.
Қолымда бір қамшым бар алтындаған-ей,
Ажарың ақ жамбыдай жарқылдаған-ей.
Бәтима-ай,
Алтын сабақ,
Жез түйме-ай.
Сексен қыз серуенге шықса-дағы-ей,
Ішінде сен қоңыр қаз қаңқылдаған-ей.
Бәтима-ай,
Алтын сабақ,
Жез түйме-ай.
Сөзі: Халық әні
Әні:
Орындаушы:
