Ақ босаға (текст)

Қыз аттаған келін кеп ақ босаға
Ақ босаға, мерейлі бақ босаға
Қасиетті халқымның дәстүріне
Куә боп ғасырлар жатты осы ара
Пай-пай, шіркін, қазақтың келіндері-ай
Көл дария секілді пейілдері-ай
‘Абысың тату болса, ас көп’ деген
Мақалдың айтылуы тегін бе еді
Қариялар батасын береді екен
Бата деген ақ тілеу керек екен
Жақсы дәстүр, жақсы сөз, игі тілек
Ұрпақтарға жалғасып келеді екен
Пай-пай, шіркін, қазақтың келіндері-ай
Көл дария секілді пейілдері-ай
Бір шаңырақ келінсіз көтерілмей
Бір кереге келінсіз керілмеді
Татулықпен тамсантқан ауылымды
Ардақ тұтқан аға-іні, бауырымды
Іззеті мол қазақтың келіндері
Бағалаттың баршаға қадіріңді
Пай-пай, шіркін, қазақтың келіндері-ай
Көл дария секілді пейілдері-ай
Сол келіндер арқасы, босағадан
Құда-жекжат іргесі сөгілмеді.

 

Сөзі: С.Желдербаева

Әні: М.Рүстемов

Орындаушы:

Видеоға сілтеме: