Таңбасы жоқ, ені жоқ бурылтайдың,
Сағасы өткел бермейді терең сайдың.
Құба жонға шоқытып шыға келсем,
Жұрты жатыр, өзі жоқ қалқатайдың.
Қайырмасы:
Ахау, бикем жар-жар,
Алма мойын, ақ сұңқар.
Хош-есен бол, құрбьім-ай,
Құрбылықпен жүрдім жай.
Ахау айдай,
Жариям айдай.
Достың көңілін қалдырма,
Қыз қалқатай.
Қамшы бастым асыға бурылтайға,
Өткел бермей тоқтатқан терең сай ма?
Жұрт жаңғыртып орнынан бір күн түнде,
Қалқатайдың ауылы кетті қайда?
Сөзі: Біржан сал Қожағұлұлы (1834-1897)
Әні: Біржан
Орындаушы:
Видеоға сілтеме:https://www.youtube.com/watch?v=aoqScBjeiP4
