Айдап салдым жылқымды тақырға деп, ай,
Қарамаушы ем кеш батса жатыр-ау деп, ай!
Бөлем-ай, бөлем-ай,
Күнің барда күнде ойна,
Фәни жалған, ай, өтеді-ай!
Қосылған кішкентайдан, қарағым-ай,
Атамаушы ем атыңды “қатын-ай!” деп, ай!
Бөлем-ай, бөлем-ай,
Күнің барда күнде ойна,
Фәни жалған, ай, өтеді-ай!
Алқызыл көрінеді қашқан түлкі, ай,
Жігіттің қайда қалмас жиған мүлкі, ай!
Бөлем-ай, бөлемай,
Күнің барда күнде ойна,
Фәни жалған, ай, өтеді-ай!
Барында оралыңның ойна да күл, ай,
Қызығы бұ жалғанның ойын-күлкі, ай.
Бөлемай, бөлемай,
Күнің барда күнде ойна,
Фәни жалған, ай, өтеді-ай!
Сөзі: Халық әні
Әні:
Орындаушы:
