Егемен елім-ай! (текст)

Біз қазақ ежелден ел едік жаны бай,
Өр мінез, ақ көңіл, мейірбан, қонақ жай.
Даналық дарыған, ақын ел, батыр ел,
Бабалар мекені асқар тау, шалқар көл.
Ақ бесік, ақ отау мәңгілік,
Жасай бер, жаңарып, жаңғырып.
Достық пен ынтымақ мекені,
Гүлденер халқымның ертеңі.
Жасай бер, жері бай,
Егемен елім-ай!
Жасай бер, жері бай,
Тәуелсіз елім-ай!
Бармақтан күй тамған, жез таңдай әншіміз,
Ғасырдан ғасырға ұласар даңқымыз.
Әлемге әйгілеп елімнің есімін,
Айқара аштық біз азаттық есігін.
Ақ бесік, ақ отау мәңгілік,
Жасай бер, жаңарып, жаңғырып.
Достық пен ынтымақ мекені,
Гүлденер халқымның ертеңі.
Жасай бер, жері бай,
Егемен елім-ай!
Жасай бер, жері бай,
Тәуелсіз елім-ай!

 

Сөзі: Б. Батырбекқызы

Әні: К. Дүйсекеев

Орындаушы:

Видеоға сілтеме: