Құлпырады дала, гүлдейді орман,
Емізеді егіз Еділ мен Жайық.
Ақ шағала айдын, ақталған арман,
Тербетеді кеме, ойнайды қайық.
А-а-а!
Ағады шалқып,
Аққулары қалқып,
Еділ мен Жайық!
Шырқалады әндер, жан жүрек іңкәр,
Сырқылдайды сұлу Еділ мен Жайық.
Әуелейді адам, самғайды сұңқар,
Шығандарға, шыңға қанатын жайып.
А-а-а!
Ағады шалқып,
Аққулары қалқып,
Еділ мен Жайық!
Сөзі: Ж. Молдағалиев
Әні: И. Жақанов
Орындаушы:
Видеоға сілтеме:
