Кездессем, ұрлана қараймын,
Асаудай тулайды жас жүрек.
Мен сені жаныма балаймын,
Сен үшін менде бар бір тілек.
Сені артық көремін басқадан,
Сүйем деп айтуға жасқанам.
Жеткізе алар ма жүректің,
Жан сырын жасырып, жас қалам.
Есімде алғашқы сауық кеш,
Ләззаттың тағдырын өзің шеш.
Ләйліден айырылған Мәжнүндей,
Дәл қазір менде жоқ ақыл-ес.
Әлде бір бар шығар сүйгенің,
Тәкапар менсінбей жүргенің.
Оны зор мені құр санасаң,
Мейірімсіз соққаны жүректің.
Сөзі:
Әні:
Орындаушы:
Видеоға сілтеме:https://www.youtube.com/watch?v=E-73HUbL6qI
