Мархаба (текст)

Мархаба – көңілі күй, сөзі дастан,
Ұстазым бұл өмірге көзімді ашқан.
Әуен боп әнімде жүр мақпал үнің,
Жырымда ізің жатыр өзің басқан.

Бір өзің өнер-білім әлеміндей,
Кім айтар даналық сөз дәл өзіңдей.
Мархаба, есіміңіз қымбат маған,
Қазақтың қасиетті сәлеміндей.

Мархаба – шалқар әуен, шабытты өлең,
Өмірдің ұлылығын дәріптеген.
Мархаба – алғаш ұғым есімдегі,
Санама бірге сіңген әліппемен.

Бір өзің өнер-білім әлеміндей,
Кім айтар даналық сөз дәл өзіңдей.
Мархаба, есіміңіз қымбат маған,
Қазақтың қасиетті сәлеміндей.

Ұстазым – ұлағатым, үлгім менің,
Күйім боп көкейімде күмбірледің.
Мен үшін дүниенің байлығындай,
Анамдай мейірлене бір күлгенің.

Бір өзің өнер-білім әлеміндей,
Кім айтар даналық сөз дәл өзіңдей.
Мархаба, есіміңіз қымбат маған,
Қазақтың қасиетті сәлеміндей.

 

Сөзі: Төлеген Мұқаев

Әні: Мелс Өзбеков

Орындаушы:

Видеоға сілтеме: