Келдің қайдан-ай, сәулем-ей, келдің қайдан-ай,
Алма мойын ала үйрек ұшар сайдан-ай.
Ей асыл, бекзат құрбышым-ай,
Аман да есен жүрмісің-ей.
Жаз құсындай-ей қос бұрым айқасалық-ей.
Мен қоңыр қаз алдыңнан қанат жайған-ай.
Ей асыл, бекзат құрбышым-ай,
Аман да есен жүрмісің-ей.
Қыран бүркіт ұшады қиялауға,
Шешен жігіт сөйлейді қия дауда.
Ей асыл, бекзат құрбышым-ай,
Аман да есен жүрмісің-ей.
Түлеп ұшқан Алтайдан сұңқар едім,
Қай жеріне қонайын ұялауға.
Ей асыл, бекзат құрбышым-ай,
Аман да есен жүрмісің-ей.
Сөзі: Халық әні
Әні:
Орындаушы:
