Сүйген жар, жан жолдасым, хош аман бол.
Белгісі берген серттің алысқан қол.
Қажыма қайда жүрсең қасыңдамын
Халық үшін, Отан үшін, аттанған жол.
Отан үшін жан берсем, менде қандай арман бар,
Отан үшін қан төксем, менде қандай арман бар,
Отан үшін жігерді, жұмсар қайрат менде бар,
Отан үшін аяма бар күшіңді туғандар.
Сүйген жар, жан жолдасым, сен де аман бол,
Белгісі берген серттің алысқан қол.
Батыр бол, қайтпас қайсар жеңіп шығар,
Жау жүрек жауынгерлер, тілегім сол.
Жолың болсын, жолыңда екі көзім, сүйген дос,
Жау жарағың қолыңда, қолыңды бер, бауыр-дос.
Отырмаймын еңбексіз от басында мен де бос,
Керек болсам, мен даяр – қан майданда мені тос.
Сөзі: Қосымжан Бабақов
Әні: Қосымжан Бабақов
Орындаушы:
