Сенің көзің түпсіз терең
Тұңғиықтан жаралған
Сонда жатыр менде жүрген
Орындалмас бар арман
Сенің жүзің көкте күннен
Жерде гүлден нәр алған
Шашың сенің жан баспаған
Жапандағы қара орман
Сенің жүзің көкте күннен
Жерде гүлден нәр алған
Шашың сенің жан баспаған
Жапандағы қара орман
Қас-кірпігің қарлығаштың
Қанатындай қап-қара
Үлбіреген жүзің сенің
Ақ жібекпе мақта ма
Әсем басың әп-әдемі
Мүсініңе шақ қана
Шиедейін еріндерің
Қызарып тұр шоқтана
Әсем басың әп-әдемі
Мүсініңе шақ қана
Шиедейін еріндерің
Қызарып тұр шоқтана
Толықсыған тұла бойың
Шыбық па екен тал ма екен
Бейнең сенің баяу атқан
Жазғы шұғыла таң ба екен
Күлкің сенің шашылған нұр
Сөзің кәусар бал ма екен
Бұл ғаламда сенен асқан
Сірә біреу бар ма екен
Күлкің сенің шашылған нұр
Сөзің кәусар бал ма екен
Бұл ғаламда сенен асқан
Сірә біреу бар ма екен.
Сөзі: М.Мақатаев
Әні: Т.Нағашымбаев
Орындаушы:
