Той-той базар, той базар тойлай келдім-ай,
Алтын сақа қолға алып ойнай келдім құрбым-ай.
Танысым көп бұл тойда, бауырым көп-ай,
Айтыссам деп өзіңмен ойлай келдім, құрбым-ай.
Су ағады арықтан,
Қыз қарайды жабықтан.
Сүйер едім бетіңнен,
Ұяламын халықтан.
Ойға барсам – ой тегіс,
Қырға барсам – қой семіз,
Өтіп кетті-ау біздерден
Қайран жастық он сегіз.
Жүруші едің қолыңа домбыра алып, ай,
Домбыраның тиегін жондыралық, құрбым-ай.
Шыныменен көңілің болса менде-ай,
Екі ауылды бір жерге қондыралық, құрбым-ай.
Су ағады арықтан,
Қыз қарайды жабықтан.
Сүйер едім бетіңнен,
Ұяламын халықтан.
Ойға барсам – ой тегіс,
Қырға барсам – қой семіз,
Өтіп кетті-ау біздерден
Қайран жастық он сегіз.
Тауда өскен бүлдірген,
Қыз бен жігіт бір жүрген.
Ебін тауып ойнасаң,
Қыз бетінен сүйдірген.
Сөзі: Халық әні
Әні:
Орындаушы:
