Жүректе гүл боп ашыласың,
Қалайша сырды жасырамын.
Өзіңді күтіп елеңдеумен,
Алдағы күнге асығамын.
Көзің – көңілімнің нұры,
Жаның – жүректің жыры.
Алыс жүріп жабырқадым,
Шұғыла шашып шақыр, жаным.
Аңсайды жалғыз көңіл сені,
Қол жетпес болма көгімдегі.
Толқын боп сені тербетейін,
Аққусың қонған көлімдегі.
Көзің – көңілімнің нұры,
Жаның – жүректің жыры.
Алыс жүріп жабырқадым,
Шұғыла шашып шақыр, жаным.
Арманым қашан сен келесің,
Құшақта қашан тербелесің.
Билейік, сәулем, тойымызда,
Ақ көйлек желмен дөңгелесін.
Көзің – көңілімнің нұры,
Жаның – жүректің жыры.
Алыс жүріп жабырқадым,
Шұғыла шашып шақыр, жаным.
Сөзі: Бақыткерей Ысқақов
Әні: Әлия Смағұлова
Орындаушы:
