Алтыннан салдым жүзік бармағыма,
Бұл күнде жан тең келмес салмағыма.
Қалды-ау, қалды-ау, Қарашаш қарағым,
Құрбы-ай! Сағындым, сәулем-ай!
Ортасында дәрияның сен аққайраң,
Ілінбеген ешкімнің қармағына.
Қалды-ау, қалды-ау, Қарашаш қарағым,
Құрбы-ай! Сағындым, сәулем-ай!
Қалқатай, сен ақ қоян секеңдеген,
Артыңнан мен ақсұңқар жетем деген.
Қалды-ау, қалды-ау, Қарашаш қарағым,
Құрбы-ай! Сағындым, сәулем-ай!
Ойымда үш ұйықтасам бар ма менің,
Айырылып, қалқам, сенен кетем деген.
Қалды-ау, қалды-ау, Қарашаш қарағым,
Құрбы-ай! Сағындым, сәулем-ай!
Сөзі: Халық әні
Әні:
Орындаушы:
