Сағынып жүр едім,
Келер деп кешікпей.
Көп болды жүдедім.
Бір сәтке хабарыңды есітпей.
Сәулешім, сағындым,
Тез жет, тез мен десең.
Жанымның жалынын
Кім басар,
Кім басар егер сен келмесең.
Алыстан үзіліп,
Жеткендей дауысың.
Мен жалғыз күн ұзын,
Шарлаймын, кеземін тау ішін.
Сәулешім, сағындым,
Тез жет, тез мен десең.
Жанымның жалынын
Кім басар,
Кім басар егер сен келмесең.
Арайлы таңымдай,
Ақ сәуле нұрымсың.
Сен менің жадымда,
Жатталған мәңгілік жырымсың.
Сәулешім, сағындым,
Тез жет, тез мен десең.
Жанымның жалынын
Кім басар,
Кім басар егер сен келмесең.
Сөзі: Есләм Зікібаев
Әні: Әшір Молдағайынов
Орындаушы:
