Түсінер деп мендегі албырт сезімді,
Қыз-желеңге көп қадаймын көзімді.
Арулардың көкейінен дөп түсіп,
Көрсете алмай жүрмін бе әлде өзімді?
Арайланған ақ таңдай,
Кеудеме от жаққандай.
Қызғалдақтай көктемгі,
Жайраңдаған, беу, қыздар-ай!
Бұл дүниеде бар бір менің сүйерім,
Тап болар ол, оны жақсы білемін.
Қайсың едің менің жанар жұлдызым,
Айтшы, қыздар, мауқын бассын жүрегім.
Арайланған ақ таңдай,
Кеудеме от жаққандай.
Қызғалдақтай көктемгі,
Жайраңдаған, беу, қыздар-ай!
Қайда жүрсің, мен іздеген ардағым,
Осы әнімді бір өзіңе арнадым.
Шаршы топтың арасынан қол бұлғап,
Шыға келші махаббатым, арманым.
Арайланған ақ таңдай,
Кеудеме от жаққандай.
Қызғалдақтай көктемгі,
Жайраңдаған, беу, қыздар-ай!
Сөзі: Әшірхан Телғозиев
Әні: Әшірхан Телғозиев
Орындаушы:
