Қалқатай бұлай десең, аузыңа май,
Жүрекке жай жатады қант пен шай,
Екеуің ойланшы өзің-ай.
Өзіңдей жақсылармен бас қосқанда,
Тамаша бола бермес күнде мұндай,
Екеуің ойланшы өзің-ай.
Дегенде әуел анар, әуел анар,
Ішкенде анар суын мейір қанар,
Екеуің ойланшы өзің-ай.
Кезіміз күнде мұндай келе бермес,
Сөз сөйле бес-алты ауыз мейір қанар,
Екеуің ойланшы өзің-ай.
Тағы да әуел ызғар, әуел ызғар,
Жел тұрса жоғарыдан бетің мұздар,
Екеуің ойланшы өзің-ай.
Бас қосып осындайда кездескенде,
Өлеңді бесалты ауыз айтыңыздар,
Екеуің ойланшы өзің-ай.
Сөзі: Халық әні
Әні:
Орындаушы:
