Аспанда ай болмаса адасады,
Көңілді көтермесе кір басады.
Ахау, Семей! Тіл мен көмей,
Басылмас жанған жүрек сәулем келмей.
Кеудесі жақсылардың алтын сандық,
Сандықты кілт болмаса кім ашады!
Ахау, Семей! Тіл мен көмей,
Басылмас жанған жүрек сәулем келмей.
Көшкенде жылқы айдаймын ақ табанмен,
Болмайды жаман – жақсы мақтағанмен.
Ахау, Семей! Тіл мен көмей,
Басылмас жанған жүрек сәулем келмей.
Сүймесе несі қызық екі жастың,
Күйеу боп босағаны аттағанмен?!
Ахау, Семей! Тіл мен көмей,
Басылмас жанған жүрек сәулем келмей.
Сөзі: Халық әні
Әні:
Орындаушы:
